အကျဉ်းစံ

ငအောင်

အလင်းရောင်..... တခါမြင်ရပြန်ပြီ

လှစ်ကနဲတွေ့လိုက်ရတဲ့ ငှက်တအုပ်

ခွပ်ဒေါင်းနီတွေများလား ......

မဟုတ်သေးဘူး ...... သူတို့မလာကြသေးဘူး.....

နောက်ကျလိမ့်မယ်ထင်ရဲ့

မနက်ဖြန်တွေလည်းရှိပါသေးတယ်လေ။

ခြေရင်းက အစာခွက်......

ပုရွက်ဆိတ်တွေတောင်အစာတောင်းနေကြပြီ

ငါ့မျက်နှာကိုမော့မကြည့်ကြပါနဲ့

မင်းတို့အတွက်လည်း မနက်ဖြန်ဆိုတာ ရှိပါသေးတယ်ကွ

ရှာစရာရှိတာသာရှာ

ထမင်းတလုံးရဖို့.....

မင်းတို့ ငါ့လောက် ရင်းသင့်ရင် ရင်းရဲရမှာပေါ့။

ငါ့အတွက်ကတော့ ဖြစ်တတ်ပါတယ်ကွာ

အရင်းအနှီးကမသေးဘူး

ငါ့အဖေ၊ ငါ့အမေ၊ ငါ့ဆွေမျိုး၊ သူငယ်ချင်းတွေ

ပြီးတော့ငါ့လူမျိုး.....

သနားသံ၊ ဂုဏ်ယူသံ၊ အပြစ်တင်သံတွေ

ငိုကြွေးသံ၊ ဟစ်အော်သံ၊ သေနတ်သံတွေ

ပြီးတော့.....ပေတရာပေါ်က သွေးစက်များရဲ့ရှိုက်သံ

ဟာ...... အကုန်လုံး ရှိနေတုန်းပဲ
လွပ်လပ်မှူကို ဖိနှိပ်မှူအောက်မှာ ရင်းထားတယ်

တရားမှုရဖို့ မတရားမှုကို ရင်ဆိုင်နေတာပါ

စနစ်ဆိုတာလည်း သင်္ခါရကို မတော်လှန်နိုင်ပါဘူး

နောင်တမရဘဲ ဆယ်ခါပြန်စတေးဝံ့ပါတယ်

သွေးချင်းတူရင်လက်ခုပ်တီးပါ

အပမ်းမကြီးရင် ဆုတော့တောင်းပေးကြပါ

ကျွန်တော်သေရင် သရဏဂုံမတင်ကြပါနဲ့ဦး

ဒီတိုက်ပွဲဆုံးအောင်တိုက်ပါရစေ.....

ဘဝများအတွက် ဘဝလေးတခုမရင်းသင့်ဘူးလား

ကျွန်တော့်ကိုသနားရင် နောက်မဆုတ်ကြပါနဲ့ဗျာ

အလင်းတန်းတွေနဲ့အတူ ခွပ်ဒေါင်းနီလေးပျံလာတော့မှာပါ

"live for nothing, die for something" တဲ့

တကယ်တော့သေခြင်းဆိုတာ ရှင်သန်ခြင်းလောက် ဒုက္ခမများပါဘူး......
ခင်ဗျားမြင်ချင်ရင် ကြည့်စရာတွေအများကြီးပါ

လက်ခုပ်လေးတခါလောက်ဖြစ်ဖြစ်တီးပြီး

ခွပ်ဒေါင်းနီလေးကို မာန်သွင်းပေးလိုက်ကြစမ်းပါဗျာ။ ။

Summary

Rest of your post